ՆԵԹԱՆԻԱՀՈՒ. «ԻՍՐԱՅԷԼԸ ԱՅՍ ՊԱՏԵՐԱԶՄԸ ՊԻՏԻ ՅԱՂԹԷ

» Իսրայէլի վարչապետ Պենիամին Նեթանիահու յայտնեց, որ «Իսրայէլը այս պատերազմը պիտի յաղթէ՝ բրիտանական զէնքով կամ առանց անոր», նկատի ունենալով, որ «բրիտանական թերի որոշումը չի փոխեր Համասին յաղթելու Իսրայէլի պնդումը»։Երէկ Մեծն Բրիտանիոյ արտաքին գործերու նախարար Տէյվիտ Լամին յայտնեց, որ պիտի կասեցնեն Իսրայէլին զէնքի արտահանման 30 արտօնագիր, ներառեալ՝ Կազայի ներկայիս հակամարտութեան օգտագործուող սարքաւորումները, բացատրելով որ արտահանման արտօնագրերը, որոնք պիտի դադրեցնեն, կը ներառեն մարտական ​​ինքնաթիռներու, ուղղաթիռներու բաղադրիչներ։ Այս առումով ան նշեց, որ Իսրայէլ զէնքի արտահանման արտօնագրերու կասեցումը սպառազինութեան համապարփակ զգուշացում չէ, նկատի ունենալով, որ «այն միջոցը, որ մենք պիտի ձեռնարկենք, շօշափելի ազդեցութիւն պիտի չունենայ Իսրայէլի անվտանգութեան վրայ»։ Ան ընդգծեց նաեւ, որ Լոնտոն կը շարունակէ պաշտպանել Իսրայէլի իրաւունքը՝ պաշտպանուելու միջազգային իրաւունքին համաձայն: Ան յայտնեց, որ պիտի շարունակեն աշխատիլ Իսրայէլի հետ՝ իրանեան սպառնալիքը դիմակայելու համար։