Կիրակի, 18 Օգոստոս 2024-ին, տեղի ունեցաւ Հայ կրթական բարեսիրական միութեան (ՀԿԲՄ) Կրթաթոշակային յանձնախումբի կազմակերպած նախաճաշ-ընդունելութիւնը, որուն ընթացքին յայտարարուեցան 2024-2025 ուսումնական տարուան կրթանպաստ ստացողներուն անունները:
Այս տարուան մրցանակները շնորհուած են Միացեալ Նահագներու տարբեր կողմերէն, Հայաստանէն եւ Լիբանանէն 14 համալսրանական ուսանողներու:
Պարգեւատրման արարողութիւնը տեղի ունեցաւ ՀԿԲՄ-ի Փասատենայի կենդրոնէն ներս:
Օրիորդ Ալին Կոզեան՝ միջոցառման հանդիսավար եւ ՀԿԲՄ-ի 2021-ի կրթանպաստին արժանացած, վարեց հանդիսութիւնը՝ կիսուելով իր անձնական ճանապարհորդութեան եւ կրթաթոշակի նշանակալի ազդեցութեան մասին. «Այս կրթաթոշակը կը տրամադրուի ոչ միայն որպէս պարզ ֆինանսական աջակցութիւն, այլեւ վաւերացման եւ խրախուսման զգացում կ’առաջացնէ: Այն կը յիշեցնէ, որ իմ քրտնաջան աշխատանքն ու հաստատակամութիւնը ճանչցուեցան եւ գնահատուեցան: Վստահութեան այս բարձրացումը մեզ կը մղէ առաջ՝ օգնելով մեզ գերազանցել ուսումնական եւ անձնական կեանքին մէջ»:
Իր բացման խօսքէն յետոյ Ալին ներկայացուց ՀԿԲՄ-ի առաքելութեան եւ կրթաթոշակային հիմնադրամի յատուկ նպատակներու համառօտ պատմութիւնը:
Ապա բեմ բարձրացան Յանձնախումբի ղեկավարներէն Տիար Թադէոս Քորօղլեանը ու Ժիրայր Կիրակոսեանը՝ ներկայացնելու այս տարուան մրցանակները:
Այս տարուան մրցանակակիրներն էին.
Միացեալ Նահանգներէն.
– ՀԲԸՄ Մանուկեան-Տէմիրճեան վարժարանի շրջանաւարտ եւ Գալիֆորնիոյ Պըրքլիի համալսարնի առաջին տարուան ուսանող՝ Վոն Աբաքեան,
– UCLA համալսարանի երկրորդ տարուան ուսանող՝ Լիլի Յակոբեան,
– Մասաչուսէթսի Լոուելի համալսարանի առաջին տարուան ուսանող՝ Անի Ֆիշեր,
– Գալիֆորնիոյ Նահանգային համալսարանի Նորթրիճի առաջին տարուան ուսանող Օսան Չարըքեան,
– Ֆերահեան վարժարանի շրջանաւարտ եւ Սթենֆորտի համալսարան առաջին տարուան ուսանող՝ Թալին Նահապետեան,
– Մեսրոպեան վարժարանի շրջանաւարտ եւ UCLA համալսարանի առաջին տարուան ուսանող՝ Սանտրա Փափազեան,
– UCLA-ի առաջին տարուան ուսանող՝ Ալիք Թուֆենքճեան:
Հայաստանէն.
Սուրիկ Ղազարեան, Արամայիս Մկրտչեան, Դաւիթ Պետրոսեան եւ Հայկ Սոլկարեան:
Լիբանանէն.
Սէրլի Պետիկեան, Կէրի Կուլեան եւ Սեւակ Իզմիրլեան:
