Ելեւմուտքի նախարարի պաշտօնակատար Եուսէֆ Խալիլ վարչապետութեան փոխանցեց 2025 տարեշրջանի կառավարութեան պետական ամավարկի նախագիծը, որուն մշակումը երկրորդ տարին ըլլալով կ’ամբողջանայ նախքան սահմանադրական ժամկէտը՝ նախորդ տարուայ 1 Սեպտեմբերը: Սական այս պետական ամավարկի վաւերացումին առաջին քայլն է տակաւին: Այժմ, գործող կառավարութիւնը իր նիստերուն ընթացքին պէտք է քննարկէ նախագիծին մէջ նշուած բոլոր յօդուածները եւ զանոնք վաւերացնելէ ետք փոխանցէ խորհրդարանին, ուր եւս տեղի կ’ունենան քննարկումներ, բանավէճեր եւ առաջարկներու փոխանակում, մինչեւ վերջնական վաւերացումը եւ պետութեան պաշտօնաթերթին մէջ հրապարակումը:
