Հայաստանի մէջ սահմանադրական բարեփոխումներու հանրաքուէն, նոր պայմանաւորուածութեան բերումով, կը նախատեսուի 2027 թուականին:
Կառավարութեան նիստէն յետոյ լրագրողներու հետ զրոյցի ընթացքին այս մասին ըսաւ արդարադատութեան նախարար, Սահմանադրական բարեփոխումներու խորհուրդի ղեկավար Գրիգոր Մինասեանը:
Նախարարը վստահեցուց, որ սահմանադրական բարեփոխումներուն գործընթացը իր հունով յառաջ կը շարժի:
«Սահմանադրական հանրաքուէն, նոր պայմանաւորուածութեան բերումով, կը նախատեսուի 2027 թուականին: Այդ կը նշանակէ, որ այդ բարդ փաստաթուղթին վրայ պիտի աշխատինք մանրամասն՝ հանրային քննարկումներով, նաեւ բոլոր մասնագէտներուն հետ աշխատելով, ոչ թէ հրատապ»,- ըսաւ Մինասեանը:
Սահմանադրական բարեփոխումներու խորհուրդը ստեղծուած է վարչապետ Նիկոլ Փաշինեանի որոշմամբ՝ 2022 թուականի Յունուարին։ Խորհուրդը պէտք է մշակէ սահմանադրական բարեփոխումներու հայեցակարգի նախագիծ եւ ներկայացնէ վարչապետի աշխատակազմին։
