Քանի մը ամսուայ համեմատական հանդարտութենէն եւ բողոքի շարժումներու առկախումէն ետք, հարիւրաւոր աւանդատէրեր երէկ Տորայի մէջ գործողութիւններ ձեռնարկեցին դրամատնային շարք մը մասնաճիւղերու վրայ: Շարք մը ցուցարարներ կրակ վառեցին Լիբանանեան-ֆրանսական դրամատան մուտքին՝ ներսը արգելափակելով պաշտօնեաները: Միաժամանակ, բողոքի հաւաքներ կազմակերպուեցան այլ մասնաճիւղերու առջեւ՝ պահանջելով վերադարձնել աւանդները եւ քննադատելով պատախանատուներուն անտարբերութիւնը:
