Հ.Մ.Մ.-«ՄԱՍԻՍ»ի մարզական դիւանի նուիրեալ ընկերները կը շարունակեն հսկել «ՄԱՍԻՍ»ի «աքատեմիա»ի պատանիներուն ֆութպոլի փորձերը: Արդարեւ, անտեսելով ամառնային անբարենպաստ խոնաւ եղանակը, Ուրբաթ երեկոյ ժամը 6:30-էն 8:00, իսկ Կիրակի առաւօտ ժամը 9:30-էն 11:00, Ժտէյտիի շրջանին մէջ գտնուող «ՕՓԱ» եւ «Ալ Քլասիքօ» դաշտերուն վրայ կը կատարուին 2008-էն մինչեւ 2018 թուականներու ծնունդ պատանիներուն փորձերը: Ֆութպոլի դիւանին կողմէ ընկերներ Փարամազ Ճանճանեան եւ Պօղոս Քէսմէեան հետեւողական են այս ուղղութեամբ: Իսկ մարզիչներ՝ Ռաֆֆի Աղազարեան, Յովիկ Կիրակոսեան եւ Սագօ Պապիկեան, ինչպէս նաեւ օգնական մարզիչներ՝ Տիրան Պէրպէրեան եւ Հմայեակ Մանսուրեան ամէն ջանք կ’ընեն նորահաս սերունդին մէջ արդի ֆութպոլային գիտելիքներն ու գաղտնիքները արմատաւորելու համար:
Մեր կողմէ կ’ըսենք՝ ՎԱՐՁՔԵՐՆԻԴ ԿԱՏԱՐ:
