ԵՐԿՈՒ «ՊԱՅԵՐՆ»ԵՐԷՆ Ո՞Ր ՄԷԿԸ

Երէկ գիշեր մեկնարկեց Գերմանիոյ ֆութպոլի 2024-2025 տարեշրջանի ախոյեանութիւնը՝ Bundesliga-ն: Անցեալ տարեշրջանի 14-րդ հորիզոնականը գրաւող «Միւնշենկլատպախ»ը սեփական դաշտին վրայ իր ուժերը պիտի չափէ ախոյեան Լիվըրքուզենի «Պայերն»ին հետ: Ըստ երեւոյթին, Լիվըրքուզենի խումբը, որ անցեալ շրջանին տիրացած էր ե՛ւ ախոյեանութեան եւ «տուպլ»ին, վճռած է կրկնել անցեալ եղանակի նուաճումը՝ բաժակը պահելով իր մօտ: Միւս կողմէ, սակայն, ֆութպոլային դէտեր կը յիշատակեն Միւնիխի «Պայերն»ին անունը, որպէս ախոյեանութեան տիտղոսակիրի լուրջ թեկնածու: Ի դէպ, միւնիխցիները անցեալ խաղաշրջանին անյաջող մրցապայքարներէ ետք, ի վերջոյ հանգրուանած էին 3-րդ հորիզոնականին: «Պայերնը» նոյնպէս օտար դաշտի վրայ իր բացման մրցումը պիտի կատարէ 12-րդ հորիզոնականի «Ուոլսպըրկ»ի դէմ: Հետաքրքրական է նշել, որ 2-րդ հանդիսացած «Շթութկարտ»ը եւս իր անդրանիկ ելոյթով պիտի մրցի սեփական դաշտէն հեռու՝ 10-րդ դիրքը գրաւած «Ֆրէյպըրկ»ի դէմ:

Ստորեւ շաբաթավերջի մրցումներուն աղիւսակը (փակագիծերուն մէջ ամփոփուած են անցեալ տարեշրջանի աղիւսակային դիրքը:

 

Ուրբաթ, 23 Օգոստոս

«Միւնշենկլատպախ» (14) x «Պայերն Լիվըրքուզեն» (1)

 

Շաբաթ, 24 Օգոստոս

«Լայփցիկ» (4) x «Պոխում» (16)

«Հոֆընհայմ» (7) x «Հոլշթէյն» (նորեկ)

«Մանզ» (13) x «Իւնիըն Պերլին» (15)

«Ֆրէյպըրկ» (10) x «Շթութկարտ» (2)

«Օկըսպըրկ» (11) x «Վէրտէր Պրէմըն» (9)

«Տորթմունտ» (5) x «Այնթրախտ Ֆրանքֆըրտ» (6)

 

Կիրակի, 25 Օգոստոս

«Ուոլսպըրկ» (12) x «Պայերն Միւնիխ» (3)

«Սեն Փօլի» (նորեկ) x «Հայտենհայմ» (8)

 

 

 

 

ՀԱՅԱՍՏԱՆԻ ՖՈՒԹՊՈԼԻ ԱԽՈՅԵԱՆՈՒԹԻՒՆ

Չորրորդ հանգրուանի մրցումները.

Շաբաթ, 24 Օգոստոս

Ուեսթ Արմինիա x Արարատ           16:00

Ալաշկերտ x Ուրարտու                   18:00

Կիրակի, 25 Օգոստոս

Բ.Կ.Մ.Ա x Նոա                                 19:00

Երկուշաբթի, 26 Օգոստոս

Շիրակ x Վան                                    16:00)

Գանձասար x Փիւնիկ           (յետաձգուած)

 

 

 

ԱԹԼԵԹԻԶՄ – ՏԱՅՄԸՆՏ ԼԻԿ – ԼՕԶԱՆ 2024

2024 թուականի Փարիզի ամառնային ողիմպիական խաղերու աւարտէն օրեր անց աշխարհի լաւագոյն աթլեթիքսի մարզիկները վերադարձան մարզական մրցասպարէզ: Այս անգամ, սակայն, Զուիցերիոյ Լօզան քաղաքն է, որ դարձաւ մարզասէրներուն ուշադրութեան կեդրոնը:

Ողիմպիականի մէջ փայլած մարզիկներէն շատերը ներկայացան Լօզան իրենց նուաճումը առաւել հաստատելու յոյսով, մինչ միւսներուն առիթ մը եղաւ Փարիզի ձախողութիւնը մոռցնել տալու:

2024 թուականի Atletissima/Diamond League Լօզանի մրցաշարքը տեղի ունեցաւ Փոնտէզ ողիմպիական մարզադաշտին վրայ երկու օրուան ընթացքին՝ 21-22 Օգոստոսին:

Կանանց արդիւնքները.

 

Գունդ նետել

1) Չէյզ Ճեքսըն (ԱՄՆ) – 20.64

2) Եմիսի Օքիւնլիէ (Գերմ.) – 19.55

3) Սառա Միթոն (Քանատա) – 19.52

 

100 մեթր վազք խոչընդոտներով

1) Ժասմին Քամաչո-Քուին (Փօրթօ Ռիքօ) – 12.35

2) Կրէյս Սթարք (ԱՄՆ) – 12.38

3) Աքերա Նուկէնթ (Ժամայքա) – 12.38

 

100 մեթր վազք

1) Տինա Աշէր-Սմիթ (Անգլ.) – 10,88

2) Թամարի Տէյվիս (ԱՄՆ) – 10.97

3) Մուճինքա Քամպունտճի (Զուից.) – 11.06

 

3000 մեթր վազք

1) Տիրիփէ Վելթեճի (Եթովպ.) – 8:21.50

2) Ճանեթ Չեփնկետիչ (Քենիա) – 8:23.48

3) Ցիկիէ Կեփրեսելամա (Եթովպ.) – 8:24.40

 

800 մեթր վազք

1) Մէրի Մորա (Քենիա) – 1:57.91

2) Ճորճիա Պել (Անգլ.) – 1:58.53

3) Ջեմմա Ռիկի (Անգլ.) – 1:58.73

 

Բարձրացատկ

1) Եարոսլավա Մահուչիխ (Ուքր.) – 1,99

2) Էլիոնոր Փատերսըն (Աւստրլ.) – 1,96

3) Նիքոլա Օլիսլաքըրս (Աւստրլ.) – 1,92

 

400 մեթր վազք խոչընդոտներ

1) Ֆեմքէ Փօլ (Հոլանտա) – 52.25

2) Ռաշէլ Քլէյթըն (Ժամայքա) – 53,32

3) Ճանիեւ Ռասէլ (Ժամայքա) – 54,48

 

Տղամարդոց արդիւնքները.

 

400 մեթր վազք

1) Մեթիւ Հատսոն-Սմիթ (Անգլ.) – 43,96

2) Մուզալա Սամուքոնկա (ԱԱՄ) – 44.06

3) Փուսանք Կօլէն (Պոցուանա) – 44.22

 

1500 մեթր վազք

1) Ժագոպ Ինքեփրիքցեն (Նորվեկ.) – 3:27.83

2) Քոուլ Հոքեր (ԱՄՆ) – 3:29.85

3) Հափս Քեսլըր (ԱՄՆ) – 3:30.47

 

110 մեթր խոչընդոտ

1) Ռաշիտ Փրոտպել (Ժամայքա) – 13.10

2) Կրանտ Հալուէյ (ԱՄՆ) – 13.14

3) Հանսլէ Փարշմընթ (Ժամայքա) – 13.23

 

Հեռացատկ

1) Միլտիաթիս Տենթօղլու (Յուն.) – 8.06

2) Ուէյն Փինօք (Ժամ.) – 8.01

3) Սայմըն Էհամմըր (Զուից.) – 7,99

 

Նիզակի նետում

1) Անտերսըն Փիթըրս (Անգլ.) – 90,61

2) Նեյրաճ Չոպրա (Հնդկ.) – 89.49

3) Ժուլիան Ուեպըր (Գերմանիա) – 87.08

 

200 մեթր վազք

1) Լեթսիլ Թեպոքօ (Փօցուանա) – 19.64

2) Էրիյըն Նայթըն (ԱՄՆ) – 19.78

3) Ֆրետ Քերլի (ԱՄՆ) – 19.86

 

 

 

ՍԱՐԵՐՈՒ ՍՈՎՈՐ ՆԻՄԱ ՌԵՆՃԻՆ ԿՐՆԱՅ ՆՈՒԱՃԵԼ 14-ՐԴԸ

Նեփալցի 18 ամեայ Նիմա Ռենճի Շերպան կը պատրաստուի լեռնամագլցութեան ճիւղին մէջ համաշխարհային տարօրինակ մրցանիշ մը սահմանելու: 13 գագաթներ նուաճած Ռենճիին կը մնայ իրագործել եւս մէկը՝ «8000 մեթրէն բարձր 14 գագաթ բարձրացած ամենաերիտասարդ լեռնագնաց»ի մրցանշակիրը դառնալու համար:

Ան յառաջիկայ Սեպտեմբերին պիտի փորձէ հասնիլ Թիպեթի վրայ գտնուող 14-րդ գագաթը՝ Շիշափանկմա (8027 մ), եթէ թոյլատուութիւն ստանայ Չինաստանի իշխանութիւններէն։

Ութ հազար մեթրէն աւելի բարձրութեամբ տասնչորս լեռնագագաթներուն հասնիլը բոլոր լեռնագնացներուն համար յաջողութեան գագաթնակէտը կը նկատուի: Իտալացի Ռեյնհոլտ Մեսնըրը առաջինն էր, որ 1986-ին հասաւ այս սխրանքին: Միայն մօտ 40 լեռնագնացներ յաջողած են իրագործել այդ: Իսկ շատեր ալ մահացած են 14 գագաթներ հասնելու ընթացքին:

Բոլոր 14 լեռները կը գտնուին Նեփալի, Չինաստանի, Հնդկաստանի եւ Փաքիստանի մէջ, Հիմալայայի լեռներու կամ Գարաքորամ լեռնաշղթային վրայ: Գագաթները հասնելու համար անհրաժեշտ է մտնել «մահուան գօտի» կոչուած ամենավտանգաւոր վայրը, ուր թթուածինի ցած մակարդակը որոշ ժամանակ անց կրնայ մահ պատճառել։

 

ՖՈՐՄԻՒԼԱ 1 – ՌԱՍԷԼ ԱՒԵԼԻ ԱՐԱԳ ԷՐ

«Mercedes»-ը եւ «McLaren»-ը երկուքն ալ գլխաւորեցին «Red Bull»-ի դասաւորումը Հոլանտայի «Կրան Փրի»ի Ուրբաթ օրուան որակաւորման ժամանակ:

Առաջինը՝ «Mercedes»-ի վարորդ Ճորճ Ռասէլն էր, որ 0,061 երկվայրկեանով աւելի արագ էր քան «McLaren» -ի Օսքար Փիասթրին, իսկ անոր խմբակից Լուիս Հեմիլթընը երրորդն էր՝ 0,111 երկվարկեան զիջելով: Իսկ երկրորդ «McLaren»-ը Լանտօ Նորիս չորրորդ հանդիսացաւ:

Առաջնութեան առաջատար Վերսթափենը հինգերորդն էր՝ 0,284 երկվայրկեան ետ մնալով, իսկ իր խմբակից Սերժիօ Փերեսը գրաւեց որակաւորման 11-րդ տեղը: Ֆերնանտօ Ալոնսօն վեցերորդն էր: