Եւրոխորհրդարանի պատգամաւոր Նաթալի Լուազօն արձագանգած է Պելառուսիոյ բռնապետ Ալեքսանտր Լուքաշենքոյի՝ Հայաստանի եւ Ֆրանսայի հետ յարաբերութիւններու մասին յայտարարութիւններուն.
«Հայ ժողովուրդին հանդէպ ատելութիւնը միանշանակ շատ բռնակալներու ընդհանուր գիծն է, Ֆրանսայի աջակցութիւնը Հայաստանին երբեք պիտի չտկարանայ»,- X-ի մէջ գրած է Լուազօն։
Յիշեցնենք. Լուքաշենքօն իր աղմկայարոյց հարցազրոյցին մէջ յայտարարած էր. «Հայերը որո՞ւն պէտք են՝ բացի մեզմէ: Ոչ մէկուն պէտք են։ Թող զարգացնեն իրենց տնտեսութիւնը եւ կեդրոնանան այն բանին վրայ, ինչ ունին: Ի՞նչ Ֆրանսա, ի՞նչ Մաքրոն։ Վաղը Մաքրոնը չ’ըլլար, եւ բոլորը կը մոռնան այդ Հայաստանի մասին»։
