Իրանի Արտաքին գործերու նախարարութեան բանբեր Նասէր Քանաանի յայտնեց, որ Թեհրան կը վերապահէ իր գերիշխանութեան նկատմամբ ոտնձգութիւններուն հակադարձելու իրաւունքը, խոստանալով այդ կատարել յարմար պահուն: «Մենք չենք ձգտիր սրելու տարածաշրջանային լարուածութիւնը եւ կ’աջակցինք Կազայի մէջ զինադադար յայտարարելու ջանքերուն, սակայն կը մերժենք մեր գերիշխանութեւն նկատմամբ որեւէ ոտնձգութիւն», ըսաւ իրանցի բանբերը: Անոր խօսքով, Թեհրան հետաքրքրուած է Կազայի մէջ զինադադարի հաստատումով՝ դադրեցնելու իսրայէլեան վայրագ ոճրագործութիւնները, աւելցնելով որ «ամերիկեան վարչակազմը բաւարար ուժ ունի ճնշում բանեցնելու Իսրայէլի վրայ, որպէսզի վերջ դրուի պատերազմին, ուստի գնդակը այժմ կը գտնուի Ուաշինկթընի դաշտին վրայ»: Քանաանի շեշտեց, որ Իրանէն ինքնազսպում պահանջելը անտրամաբանական է, մինչ Իսրայէլ կը շարունակէ սպառնալիքներ արձակել տարածաշրջանային անվտանգութեան:
