Ուքրանիոյ զինուած ուժերու հրամանատարը յայտարարեց ռուսական Քուրսք նահանգին մէջ երկրորդ կարեւոր կամուրջ մը ռմբակոծելու մասին: «Ուքրանական ուժերը կը շարունակեն թշնամիին ուժերը զրկել իր շարժունակութենէն՝ օդային դիպուկ հարուածներու միջոցաւ», յայտարարուեցաւ Քիեւէն:
Միւս կողմէ, Պելառուսիոյ նախագահ Ալեքսանտըր Լուքաշենքօ յայտնեց, որ Պելառուսիոյ ուժերը տեղակայուած են Ուքրանիոյ սահմանի երկայնքին: Լուքաշենքօ նախապէս յայտնած էր, որ խափանողներ կը փորձեն ուքրանական հողերէն պայթուցիկներ փոխադրել Ուքրանիա եւ Ռուսիա: Իսկ երէկ ուշ գիշերին Ուքրանիոյ Պաշտպանութեան նախարարութիւնը յայտարարեց, թէ հակաօդային պաշտպանութեան ուժերը կը փորձեն զսպել Քիեւի թիրախաւորող ռուսական հրթիռային յարձակումները:
