ԵՈՒՆԻՖԻԼ-ի խաղաղապահ ուժերու բանբերը յայտնեց, որ երեք խաղաղապահ թեթեւօրէն վիրաւորուած են երէկ առաւօտեան, երբ ռումբ մը պայթած է անոնց ինքնաշարժին մօտ: ԵՈՒՆԻՖԻԼ-ի համաձայն, ինքնաշարժը յստակօրէն կը պարզէր խաղաղապահ ուժերուն տարբերանշանը: Աւելի ուշ, ապահովական տեղեկութիւններ նշեցին, թէ վիրաւորները ղանացի զինուորներ են, իսկ միջադէպը տեղի ունեցած է սահմանային Տուհայրա շրջանին մէջ:
Հըզպալլա երէկ հաղորդագրութեամբ մը յայտարարեց, թէ «Քաթիուշա» տիպի հրթիռներով թիրախաւորած է իսրայէլեան բանակի Պէյթ Հիլալ զօրամասը, պատճառելով ծանր վնաս:
