Ս. ԱՍՏՈՒԱԾԱԾԻՆ ՎԱՆՔԻ ՈՒԽՏԻ ՇԱԲԱԹ

Հովանաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ Կաթողիկոսարանի Քրիստոնէական դաստիարակութեան բաժանմունքին, 12-15 Օգոստոս 2024-ին, Պիքֆայայի Ս. Աստուածածին մատրան մէջ պիտի կատարուի երեկոյեան ժամերգութիւն եւ հոգեւոր խորհրդածութիւն, որոնց պիտի յաջորդէ օրհնութեան կարգ (խունկ, ջուր, իւղ, հաց եւ աղ)։ Փոխադրակառքեր տրամադրուած պիտի ըլլան երեկոյեան ժամը 4:30-ին, իսկ ժամերգութիւնը պիտի սկսի ժամը 6:00-ին։

Ուրբաթ, 16 Օգոստոսի առաւօտեան ժամը 10:00-ին տեղի պիտի ունենայ առաւօտեան ժամերգութիւն, հոգեւոր խորհրդածութիւն, անդաստան եւ աղի օրհնութիւն։ Փոխադրակառքեր տրամադրուած պիտի ըլլան առաւօտեան ժամը 8:30-ին։

Փոխադրակառքերու կայաններ՝

1) Անթիլիասի մայրավանքին եւ Զալքա Թիքօ-Թիքոյին դիմաց

2) Ս. Վարդանանց եկեղեցւոյ դիմաց

3) Սրբուհի Ագնէս վարժարանի դիմաց

4) Ազգային Ծերանոցի դիմաց

5) Ռաուտա-Ֆանար

Կը հրաւիրենք մեր ժողովուրդի բոլոր զաւակները մասնակից դառնալու այս արարողութիւններուն։

ՔՐԻՍՏՈՆԷԱԿԱՆ ԴԱՍՏԻԱՐԱԿՈՒԹԵԱՆ

ԲԱԺԱՆՄՈՒՆՔ