Արբանեակային վերջին լուսանկարները ցոյց կու տան, որ Ատրպէյճանը ոչնչացուցած է Արցախի Հատրութի շրջանի Մոխրենես գիւղը։ Այն ատրպէյճանական վերահսկողութեան տակ անցած էր 2020 թուականի Հոկտեմբերին՝ 44-օրեայ պատերազմին հետեւանքով։ Այս մասին X-ի էջով գրառմամբ յայտնած է Արցախի մարդու իրաւունքներու պաշտպանի գրասենեակը։
«Արբանեակային պատկերները ցոյց կու տան, որ գիւղի տուներուն մեծ մասը, դպրոցը, մանկապարտէզը եւ այլ շինութիւններ քանդուած են։ Ընդհանուր առմամբ, քանդուած է աւելի քան 40 տուն եւ շինութիւն, իսկ Մոխրենեսի Սուրբ Սարգիս եկեղեցին ամբողջութեամբ աւերուած է մինչեւ 2022 թուականի Հոկտեմբերը։ Ատրպէյճանի կողմէ Արցախի մշակութային ցեղասպանութիւնը կը շարունակուի միջազգային հանրութեան մեղսակից լռութեամբ»,- ըսուած է գրառման մէջ։
