Ուքրանիոյ նախագահ Վոլոտիմիր Զելենսքի յայտնեց, որ իր ուժերը յառաջացած են Ռուսիոյ սահմանային Քուրսք նահանգին մէջ եւ չի բացառուիր, որ այնտեղ յայտարարեն զինուորական իշխանութիւն: Զելենսքի շեշտեց, որ իրենք գերեվարած են աւելի քան հարիւր ռուս զինուոր:
Ռուսիոյ Պաշտպանութեան նախարարութիւնը, միւս կողմէ, յայտարարեց Քուրսքի մէջ ուքրանական յարձակումները զսպելու եւ բոլոր գործողութիւնները ձախողութեան մասնելու մասին:
Այլ գիծի վրայ, գերմանական ընդհանուր դատախազութիւնը ձերբակալումի յուշագիր արձակեց ուքրանացիի մը նկատմամբ, որ կ’ամբաստանուի 2022-ին «Նորտ սթրիմ» ստորջրեայ կազատար խողովակաշարը խափանելու մէջ: Ան այժմ անհետ կորսուած է, սակայն վերջին հասցէն Լեհաստանի մէջ էր: Ըստ գերմանական կողմին, ուքրանացին մաս կը կազմէր կազատարը ականահարողներու խումբին:
