Մեքսիքոյի նախագահը մերժած է Ուքրանիոյ դիմումը՝ ձերբակալել Ռուսիոյ նախագահ Վլատիմիր Փութինը, եթէ ան ժամանէ պետութեան նոր ղեկավարի երդմնակալութեան, որ տեղի պիտի ունենայ այս տարուան Հոկտեմբերին:
«Մենք չենք կրնար այդ ընել: Ատիկա մեր գործը չէ», – գործող նախագահ Անտրես Մանուէլ Լոփեզ Օպրատորը լրագրողներուն յայտնած է մամուլի ասուլիսի ժամանակ:
Ուքրանիան Մեքսիքոյէն խնդրած է ձերբակալել Փութինը, եթէ ան 1 Հոկտեմբերին մասնակցի ընտրուած նախագահ Գլաուտիա Շէյնպաումի երդմնակալութեան արարողութեան։
Ըստ Մեքսիքոյի մէջ Ուքրանիոյ դեսպանատան յայտարարութեան՝ դիմումին մէջ կը մատնանշուի ՄԱԿ-ի Միջազգային քրէական դատարանին կողմէ տրուած ձերբակալութեան հրամանը:
«Մենք յոյսով ենք, որ Մեքսիքոյի կառավարութիւնը գիտէ, որ Վլատիմիր Փութինը պատերազմական յանցագործ է, որ ձերբակալելու հրաման տրուած է»,- կ’ըսուի Ուքրանիոյ դեսպանատան յայտարարութեան մէջ:
Շէյնպաումի կազմը Ռուսիոյ նախագահէ հրաւիրած է մասնակցելու երդմնակալութեան։ Նման դիւանագիտական ծանուցում ուղարկուած է բոլոր այն երկիրներուն, որոնց հետ Մեքսիքօն դիւանագիտական յարաբերութիւններ ունի: Յունիսին Փութինը շնորհաւորած էր Շէյնպաումը՝ ընտրութիւններուն յաղթանակի առիթով, Մեքսիքօն համարելով «Ռուսիոյ՝ պատմականօրէն բարեկամ գործընկերը Լատինական Ամերիկայի մէջ»:
