Եգիպտոս, Քաթար եւ Միացեալ Նահանգներ միացեալ հաղորդագրութեամբ մը շեշտեցին, թէ ժամը հասած է վերջ տալու Կազայի պատերազմին եւ կնքելու զինադադարի համաձայնութիւն մը, միաժամանակ ազատ արձակելով գերիները: Երեք երկիրներու ղեկավարներուն ստորագրութիւնը կրող հաղորդագրութիւնը շեշտեց, որ Գահիրէ, Տոհա եւ Ուաշինկթըն որպէս միջնորդներ պատրաստ են ներկայացնելու լուծումի վերջնական առաջարկ մը եւ դիւրացնելու անոր գործադրութիւնը:
