Իսրայէլեան հարուածները երէկ առաջին անգամ ըլլալով հասան Սայտա, ուր անօդաչու սարքերու հրթիռներով կործանուեցաւ ինքնաշարժ մը եւ ահաբեկուեցաւ «Համաս»ի տեղական ղեկավարներէն եւ Այն Հըլուէ գաղթակայանի ապահովական պատասխանատու Սամէր Հաժը, երկու վիրաւորներու կողքին: Նշենք, որ Հաժի սպանութիւնը կատարուեցաւ գաղթակայանին մէջ գումարուած ժողովի աւարտէն կարճ ժամանակ ետք, մինչ ան ինքնաշաժով կը փորձէր դուրս գալ գաղթակայանէն: Հարուածէն ետք Այն Հըլուէի մէջ կազմակերպուեցան բողոքի հաւաքներ: Առողջապահութեան նախարարութիւնը յայտարարեց, որ Նաքուրայի մէջ ինքնաշարժի թիրախաւորումէ զոհուած է երկու հոգի, իսկ Մէյս էլ Ժապալ շրջանի ռմբակոծութեան պատճառով վիրաւորուեցաւ երկու մարդ՝ ներառեալ սկաուտական տեղական պատասխանատուներէն մէկը:
