Ռուսիոյ Արտաքին գործերու նախարարութեան բանբեր Մարիա Զախարովա Արեւմուտքը ամբաստանեց «Հարաւային Կովկասի մէջ կործանարար ծրագիր մը գործարկելու» մէջ: Ըստ ռուս բանբերին, արեւմտեան ուժերուն դաւադրութիւնը կը միտի մասնատելու տարածաշրջանը եւ կործանելու Ռուսիոյ հետ անոր պատմական յարաբերութիւնները: Ան Միացեալ Նահանգներն ու եւրոպական երկիրները ամբաստանեց կովկասեան երկիրներուն ներքին հարցերուն միջամուխ դառնալու մէջ, ներառեալ Հայաստանը:
