Ռուսիոյ ազգային անվտանգութեան խորհուրդի նախագահ Տմիթրի Մետվետեւ կարծիք յայտնեց, որ նախանցեալ օր ռուսական Քուրսք նահանգին վրայ ուքրանական յարձակումը միջոց մըն էր արտայայտելու Քիեւի ռազմական վերջին հնարաւորութիւնները՝ Արեւմուտքէն յաւելեալ դրամ եւ զէնք ստանալու ակնկալութեամբ: «Անհրաժեշտ է հասնիլ Ուքրանիոյ մնացեալ այն տարածքներուն, որոնք տակաւին կը մնան ուքրանական տիրապետութեան տակ, ինչպիսին են Օտեսան, Խարքովը, Նիփրոփեթրովսքը, Նիկոլաեւը եւ Քիեւը», սպառնաց Մետվետեւ:
