Ուաշինկթընը եւ ԱՄՆ դաշնակիցները ուղիղ ուղերձ յղած են Իսրայէլին եւ Իրանին, որ ոչ ոք պէտք է երթայ մագլցողական ճանապարհով: Այս մասին յայտնած է ԱՄՆ արտաքին գործերու նախարար Անթոնի Պլինքընը:
«Կը շարունակենք բուռն կերպով աշխատիլ Մերձաւոր Արեւելքի մէջ լարուածութիւնը նուազեցնելու եւ հակամարտութեան տարածումը կանխելու ուղղութեամբ: Վերջին օրերուն մշտական կապի մէջ եղած ենք տարածաշրջանին մէջ եւ անոր սահմաններէն դուրս գտնուող գործընկերներու հետ», – նշած է դիւանագէտը:
Միաժամանակ Պլինքըն ընդգծած է, որ Իսրայէլի եւ տարածաշրջանին մէջ տեղակայուած ամերիկեան ուժերու անվտանգութիւնը ապահովելու Միացեալ Նահանգներու պատրաստակամութիւնը անսասան է։
«Հետագայ յարձակումները յղի են վտանգաւոր հետեւանքներով, որոնք ոչ ոք կրնայ կանխատեսել կամ լիովին վերահսկել», – յայտնած է արտաքին գործերու նախարարը։
