Յունաստանի մէջմ Հայաստանի արտակարգ եւ լիազօր դեսպան Տիգրան Մկրտչեանը հանդիպած է Յունաստանի խորհրդարանի Ազգային պաշտպանութեան եւ արտաքին յարաբերութիւններու մշտական յանձնաժողովի նախագահի պարտականութիւնները կատարող Տիմիթրիս Քերիտիսին։
Հանդիպման ընթացքին Տիգրան Մկրտչեան ներկայացուցած է Հայաստան-ԵՄ եւ Հայաստան-Յունաստան համագործակցութեան բարձր մակարդակը, յառաջիկային անոնց խորացման միտումները, այդ շարքին՝ խորհրդարանական հարթակներու վրայ համագործակցութեան լոյսին ներքոյ:
Դեսպանը ներկայացուցածլ է նաեւ տարածաշրջանային զարգացումները` Հայաստանի նախաձեռնութիւնները կայուն խաղաղութեան հաստատման ուղղութեամբ ու հիմնական խոչընդոտները։
Տիմիթրիս Քերիտիսը, իր հերթին, ընդգծած է բազմակողմ խորհրդարանական հարթակներու վրայ երկու երկիրներուի արդիւնաւէտ գործակցութիւնը: Ան նաեւ իր աներկբայ զօրակցութիւնը յայտնած է Հայաստանին եւ հայ ժողովուրդին, ընդգծած է իր կապերը յունահայ համայնքին հետ։
Զրուցակիցները քննարկած են շարք մը նախաձեռնութիւններ՝ ուղղուած երկկողմ փոխշահաւէտ կապերու զարգացման:
