Պաղեստինեան «Ալ Ժիհատ Ալ Իսլամի» կազմակերպութեան զինեալ թեւ «Սարայա Ալ Քուտս» յայտարարեց, թէ «Ալուիյաթ Սալաըտտին» գումարտակին հետ կատարած է միացեալ յարձակում մը Խան Եունէս քաղաքին շրջակայքը գտնուող իսրայէլեան բանակի խմբաւորումներուն վրայ, գործածելով ականանետեր: Նաեւ պաղեստինցի մարտիկներ թիրախ դարձուցած են Կազա քաղաքի շէնքի մը մէջ գտնուող իսրայէլացի զինուորներ:
