Միացեալ ազգերու կազմակերպութեան Ապահովութեան խորհուրդի ժողովին, Ռուսական Դաշնութեան ներկայացուցիչ Վասիլի Նիպենզիա յայտարարեց, թէ Կազայի մէջ պատերազմի երկարաձգումի պարագային լուրջ վտանգ կայ որ ան տարածուի դէպի Սուրիա եւ Լիբանան: Մարդասիրական վիճակը Կազայի մէջ անընդունելի է: Ցարդ 50 հազար ռումբ արձակուած է Կազայի վրայ: Ան աւելցուց, որ Ապահովութեան խորհուրդի որդեգրած որոշումները մնացին թուղթի վրայ: Իսրայէլ նոյնիսկ կը վտանգէ պաղեստինցի գաղթականներուն օժանդակող Մ.Ա.Կ.-ի ԻՒՆՐՈՒԱ կազմակերպութեան գոյութիւնը:
