Պաղեստինեան «Ժիհատ Իսլամի» կազմակերպութեան զինեալ թեւ «Սարայա Ալ Քուտս» յայտարարեց, թէ մարտիկները դէմ կը դնեն իսրայէլեան բանակի ամէն ներխուժումի փորձի գրաւեալ Արեւմտեսն ափի Թուլքարմ քաղաքին մէջ: Հակազրահապատ եւ հակահետեւակային գործողութիւններ տեղի կ’ունենան քաղաքի բոլոր ճակատներուն վրայ: Իսրայէլեան անօդաչու սարք մը ռմբակոծած էր դիրք մը ու զոհուած էին չորս պաղեստինցի քաղաքացիներ: Իսրայէլեան 25 զրահապատ կառքեր եւ 7 պուլտոզըրներ մտած էին Թուլքարմ քաղաքը: Քաղաքին մէջ գտնուող գաղթակայանին բոլոր անցքերը փակած էին:
