Ըստ ռուսական «ԹԱՍՍ» լրատու գործակալութեան, Ռուսական Դաշնութեան նախագահ Վլատիմիր Փութին պիտի մասնակցի Շանկհայի համագործակցութեան համագումարին եւ ժողով պիտի գումարէ համագումարին մասնակցող Չինաստանի եւ Թուրքիոյ նախագահներուն հետ: Համագումարը տեղի պիտի ունենայ Ղազախստանի մայրաքաղաք Ասթանայի մէջ: Շանկհայի համագործակցութեան կազմակերպութիւնը հիմնուեցաւ 2001 թուականին Չինաստանի եւ Ռուսիոյ կողմէ: Ան քաղաքական, տնտեսական եւ ապահովական կազմակերպութիւն է: Կազմակերպութեան անդամ են Իրան, Հնդկաստան, Ղազախստան, Քիրկիզիա, Իւզպէքիստան, Թաճիքիստան եւ Փաքիստան: Թուրքիա անդամ չէ, սակայն կը մասնակցի որպէս երկխօսութեան մասնակցող պետութիւն:
