Հայաստանի տնտեսական աշխուժութեան ցուցանիշը այս տարուայ Յունուար-Մայիս ամիսներուն 11,2 տոկոսով աւելցած է նախորդ տարուայ նոյն ժամանակահատուածին նկատմամբ:
Այս մասին կը փաստեն ՀՀ Վիճակագրական կոմիտէին հրապարակած տուեալները:
Արդիւնաբերական արտադրանքին ծաւալը Յունուար-Մայիս ամիսներուն նախորդ տարուայ նոյն ժամանակահատուածին համեմատ աճած է 22 տոկոսով:
Շինարարութեան ծաւալը 2024-ի առաջին 5 ամսուան մէջ աւելցած է 14,9 տոկոսով:
Առեւտուրի շրջանառութեան մէջ աճը եղած է 24,6 տոկոս: Նոյն ժամանակահատուածին մատուցուած ծառայութիւններուն ծաւալը աւելցած է 3,7 տոկոսով:
2024 թուականի Յունուար-Մայիսին սպառողական գիներու ցուցակը նախորդ տարուայ նոյն ժամանակահատուածին համեմատ նուազած է 0,8 տոկոսով, իսկ արդիւնաբերական արտադրանքի գիներուն ցուցակը աւելցած է 2,2 տոկոսով: Ելեկտրուժի արտադրութեան ծաւալներուն մէջ արձանագրուած է 1,5 տոկոս աճ:
Արտաքին առեւտրաշրջանառութեան ծաւալը այս տարուայ առաջին հինգ ամսուան մէջ 2023-ի նոյն ժամանակահատուածին համեմատ աճած է 2,2 անգամ: Ընդ որում՝ արտահանումը աճած է 2,5 անգամ, իսկ ներմուծումը՝ 99,6 տոկոսով:
Դրամի փոխարժէքը ԱՄՆ տոլարին նկատմամբ Յունուար-Մայիս ամիսներուն կազմած է 397.69 դրամ:
