Իսրայէլի Ազգային ապահովութեան խորհուրդի խորհրդական Ցահի Հինկպի յայտարարեց, թէ Իսրայէլի մէջ կայ մեծամասնութիւն մը, որ կ’ուզէ որ հիւսիսային սահմանին վրայ վիճակը փոխուի ու ապահովական վիճակը կայունանայ: Ըստ Հինկպիի, ներկայիս դիւանագիտական լուծումի հասնելու փորձերը տակաւին կը շարունակուին: Ըստ իսրայէլացի դիւանագէտին, կարելի չէ «Համաս»ի գաղափարախօսութիւնը ջնջել: Այլ պէտք է զայն փոխարինել պաղեստինցի այլ ուժերով:
