Իսրայէլի կառավարութեան նախկին անդամ Պենի Կանց յայտարարեց, թէ հիւսիսային սահմանին վրայ տիրող վիճակը այս ձեւով չի կրնար շարունակուիլ: Պէտք է ճնշում բանեցուի Հըզպալլայի վրայ՝ վիճակը կայունացնելու կամ լայնածաւալ պատերազմ դիմագրաւելու համար: Ան աւելցուց, որ հիւսիսային շրջանի բնակիչները պիտի վերադառնան իրենց տուները Սեպտեմբեր ամսուան սկիզբը: Կանց սպառնաց ծանր հարուած հասցնել Հըզպալլային եւ Լիբանանին: Ան արդար որոշում նկատեց Իսրայէլի դատական ամենաբարձր ատեանին կայացուցած որոշումը՝ պարտադիր զինուորութեան օրէնքը գործադրելու ծայրայեղ կրօնականներու «Հըրեյտիմ»ի ուսանողներու պարագային:
