Հայաստանի Հանրապետութեան վարչապետի աշխատակազմի ղեկավար Արայիկ Յարութիւնեան հանդիպում ունեցած է Հայաստանի մէջ Եւրոպական միութեան պատուիրակութեան ղեկավար, դեսպան Վասիլիս Մարակոսի հետ:
Զրուցակիցները քննարկած են Հայաստան-ԵՄ համագործակցութեան օրակարգային շարք մը հարցեր: Մասնաւորապէս, անդրադարձ կատարուած է ԵՄ աջակցութեամբ Հայաստանի մէջ իրականացուող բարեփոխումներուն, ժողովրդավարական հիմնարկներու զարգացման, ռազմավարական հաղորդակցութեան բարեփոխման յաջող ընթացքին եւ այլ ուղղութիւններով իրականացուող ծրագրերուն:
Երկուստեք կարեւորուած է այս տարուայ 5 Ապրիլին Պրիւքսէլի մէջ կայացած Հայաստան-ԵՄ-ԱՄՆ բարձր մակարդակով հանդիպման ընթացքին ձեռք բերուած պայմանաւորուածութիւններու իրականացումը:
Կողմերը գոհունակութիւն յայտնած են արդիւնաւէտ փոխգործակցութենէն եւ կարեւորած են այդ ուղղութեամբ հետեւողական քայլերու իրականացումը:
