Լեռնային Ղարաբաղէն բռնի տեղահանուած եւ ԼՂ-ի կուտակային համակարգի մասնակից անձերու հնարաւորութիւն պիտի տրուի Հայաստանի կենսաթոշակային ֆոնտեր տեղափոխել իրենց կենսաթոշակային խնայողութիւնները:
«Իրաւաբանական անձերու պետական գրանցման, իրաւաբանական անձերու առանձնացուած ստորաբաժանումներու, հիմնարկներու եւ անհատ ձեռնարկատէրերու պետական հաշուառման մասին» օրէնքին մէջ լրացումներ կատարելու մասին» օրէնքին մէջ փոփոխութիւն եւ լրացում կատարելու մասին եւ «Կենսաթոշակային համակարգի կուտակային բաղադրիչի մասնակիցներու իրաւունքների եւ օրինական շահերու պաշտպանութեան լրացուցիչ երաշխիքներու մասին» օրէնքին մէջ լրացում կատարելու մասին օրէնքներու նախագիծերու փաթեթը Ազգային ժողովը նիստին ընթացքին ներկայացուց Արդարադատութեան փոխնախարար Արմէնուհի Յարութիւնեանը:
«Լեռնային Ղարաբաղէն բռնի տեղահանուած այն անձերը, որոնք կ՛աշխատին Հայաստանի մէջ եւ Կուտակային կենսաթոշակներու մասին օրէնքի համաձայն կը կատարեն վճարներ, փաստացի կը համարուին Հայաստանի կուտակային համակարգի մասնակից: Այդ կը նշանակէ, որ այդ անձերը այս պահին ունին երկու կենսաթոշակային հաշիւ երկու առանձին համակարգերու մէջ: Կենսաթոշակային խնայողութիւններու մասնատումը կրնայ յանգեցնել լուրջ խնդիրներու ինչպէս ընկերային քաղաքականութեան, այնպէս ալ տեխնիկական տեսանկիւններէն: Եւ այս նպատակով նախագիծով կ՛առաջարկուի սահմանել ԼՂ կուտակային համակարգին մէջ ձեւաւորուած կենսաթոշակային խնայողութիւնները Հայաստանի Հանրապետութեան մէջ գործող կենսաթոշակային ֆոնտեր տեղափոխելու հնարաւորութիւնը»,- ըսաւ Արմէնուհի Յարութիւնեանը:
