Վարչապետի պաշտօնակատար Նեժիպ Միքաթի Յորդանանի մէջ գումարուող Պաղեստինի մարդասիրական համագումարի ընթացքին խօսք առաւ ու յայտարարեց, թէ Լիբանան անմասն չէ Պաղեստինի տագնապէն ու լիբանանցիներ հարաւի մէջ ամէն օր կը կրեն այդ պատերազմին հետեւանքները: Ան իսրայէլեան յարձակումը համարեց ամենավայրագ գործողութիւնը պատմութեան մէջ: Հարաւային Լիբանանը դարձաւ այրած հողամաս իսրայէլեան յարձակումին պատճառով: Միքաթի կոչ ուղղեց միջամտելու եւ արդարութիւն բերելու Պաղեստինի արդար դատին: Ան յայտարարեց, թէ Լիբանան միշտ զոհաբերութիւն կատարած է Արաբական դատին համար: Ան պատրաստակամութիւն յայտնեց բուժելու վիրաւոր պաղեստինցի քաղաքացիներ: Միքաթի արաբական պետութիւններուն կոչ ուղղեց նիւթապէս օժանդակելու Լիբանանի իրենց եղբայրներուն այս տագնապը կարենալ շրջացնելու համար:
