Իրանի Սահմանադրութեան պահպանումի յանձնախումբը յայտարարեց, թէ 50 օրուան ընթացքին տեղի պիտի ունենայ նախագահի ընտրութիւն եւ ընտրուող նախագահը պիտի պաշտօնավարէ չորս տարուան ժամանակաշրջանի մը մէջ:
Իր կողմէ, Իրանի հոգեւոր առաջնորդ սեյիտ Ալի Խամինէի հինգ օրուան սուգ յայտարարեց երկրին մէջ՝ նախագահին եւ անոր ընկերակցող պատուիրակութեան անդամներու մահուան տխուր առիթով:
Ըստ սահմանադրութեան, երկրի առաջին փոխնախագահ Մոհամմատ Մոխպէր պիտի վարէ նախագահի ժամանակաւոր պաշտօնը:
