Հակառակ քաղաքապետական եւ թաղապետական ձգձգուած ընտրութիւնները անգամ մը եւս յետաձգելու յստակ մտադրութեան, ներքին գործերու նախարարի պաշտօնակատար Պասսամ Մաուլաուի ստորագրեց Պէյրութի, Պեքաայի եւ Պաալպաք-Հըրմէլի բնակիչները ընտրութեան հրաւիրող օրինագիծը, որուն մէջ կը ճշդուի նաեւ իւրաքանչիւր քաղաքապետական կամ թաղապետական խորհուրդի անդամներուն թիւը: Մաուլաուիի նշեալ որոշումին կցուած էր թեկնածութիւններ առաջադրելու ընթացակարգը բացատրող յայտարարութիւն մը: Ըստ այս որոշումին, նշեալ երկու շրջաններուն մէջ տեղական մարմիններուն ընտրութիւնը պիտի կայանայ 22 Մայիսին:
