Իրանի նախագահ Իպրահիմ Ռայիսի յայտարարեց, թէ իսլամական աշխարհի եւ աշխարհի բնակչութեան մեծ մասը գիտէ թէ Իրան կը պաշտպանէ պաղեստինցի ժողովուրդը: Ըստ Ռայիսիի, Իսրայէլ եւ ԱՄՆ կարծեցին թէ անպատիժ պիտի մնան Դամասկոսի մէջ Իրանի հիւպատոսարանին վրայ կատարուած յարձակումէն ետք: Իրանի նախագահը աւելցուց, որ Իրանի վրայ յարձակելու պարագային Իսրայէլ եւ զինք պաշտպանող ուժերը պիտի զղջան: Ռայիսի հաստատեց, որ աւարտեցաւ այն ժամանակը, երբ անպատիժ կը մնային Իրանի վրայ կատարուած յարձակումները:
