Ղազախստանի նախագահ Քասիմ-Ժոմարթ Թոքաեւը Հայաստանի Հանրապետութեան վարչապետ Նիկոլ Փաշինեանը պաշտօնական այցով հրաւիրեց Ղազախստան։
Այդ մասին ան յայտարարած է՝ Երեւանի մէջ ՀՀ վարչապետ Նիկոլ Փաշինեանի հետ հանդիպումէն յետոյ։
«Առիթէն օգտուելով՝ կը փափաքիմ մեծարգոյ պարոն վարչապետը պաշտօնական այցով հրաւիրել Ղազախստան։ Վստահ եմ, որ այսօրինակ բարի քայլերը պիտի մերձեցնեն մեր ժողովուրդները եւ պիտի խորացնեն մեր համագործակցութիւնը»,- նշած է Թոքաեւ՝ յաւելելով, որ Երեւանի մէջ Հայաստանի վարչապետ Նիկոլ Փաշինեանի հետ բանակցութիւնները անցած են փոխադարձ ըմբռնման եւ վստահութեան մթնոլորտի մէջ, ինչ որ նոր ազդակ պիտի հաղորդէ Հայաստանի եւ Ղազախստանի յարաբերութիւններուն։
