«Լիբանանեան ուժեր» կուսակցութեան տեղեկատուական գրասենեակը յայտարարեց, թէ Փասքալ Սլէյմանի ոճիրին քննութիւնը պէտք է ըլլայ թափանցիկ ու յստակ: Մինչեւ այս քննութեան արդիւնքին յայտարարուիլը այս ոճիրը պիտի համարուի քաղաքական ոճիր:
Գրասենեակը Հըզպալլան պատասխանատու համարեց երկրին մէջ անօրինականութեան ու ապօրինի զէնքի տարածումին համար: Սուրիոյ հետ բաց սահմանը կը համարուի երկրորդ պատճառ այս ոճիրին: Սահմանին ապօրինի հատումը կը համարուի մեծ հարց ապահովական ուժերուն համար: Պետական կարգ մը դատական եւ ապահովական մարմիններու արգիլուած է գործել կարգ մը շրջաններու մէջ, որոնք կը գտնուին Հըզպալլայի ազդեցութեան տակ:
Լիբանանեան բանակը սուրիական իշխանութիւններէն ստացած էր Փասքալ Սլէյմանի դիակը: Բանակի քննիչները կատարեցին պէտք եղած դիազննութիւնը ու դիակը յանձնեցին Լիբանանեան Կարմիր խաչին, որ իր կարգին զայն յանձնեց զոհի ընտանիքին:
