Միացեալ ազգերու կազմակերպութեան Ապահովութեան խորհուրդը պիտի գումարէ ժողով մը՝ քննարկելու համար Կազայի վերջին դէպքերը: Պատերազմը կ՛երկարի 182 օրէ ի վեր եւ բնակչութիւնը կը տառապի Իսրայէլի պարտադրած մարդասիրական օժանդակութեան արգելքէն: Բնակչութիւնը արդէն մտած է սովի փուլ: Հակառակ Ապահովութեան խորհուրդի կայացուցած զինադադարի վերջին որոշումին, Իսրայէլ ոչ մէկ բան գործադրած է:
Միւս կողմէ, Միացեալ ազգերու կազմակերպութեան ընդհանուր քարտուղար Անթոնիօ Կութիերէշ կոչ ուղղեց մարդասիրական օժանդակութիւնը հասցնելու Կազայի բնակիչներուն: Ըստ Կութիերէշի, Իսրայէլ պէտք է գործադրէ մարդասիրական օժանդակութեան վրայ իր արգելքը վերցնելու պարտաւորութիւնը:
