«Լիբանանեան ուժեր» կուսակցութեան կեդրոնատեղի Մաարապի մէջ տեղի ունեցած Իֆթարի մը ընթացքին, կուսակցութեան նախագահ Սամիր Ժաաժաա յայտարարեց, թէ ան որ որոշում կայացուց հարաւային Լիբանանի ճակատը բանալու Իսրայէլի դէմ, պէտք է պատասխանատուութիւն ստանձնէ եւ կրէ հետեւանքները այդ որոշումին:
Ան աւելցուց, որ Միջին Արեւելքը կը գտնուի շատ վտանգաւոր կացութեան մը առջեւ: Կազայի մէջ կատարուողը ան կոչեց սպանդ, ուր արժէք չկայ մարդկային կեանքին: Նպատակը Կազայի բնակչութեան բռնագաղթն է: Ժաաժաա դէմ արտայայտուեցաւ ճակատներու միացումին, զայն որակելով շինծու որոշում մը: Ան Իրանի ազդեցութիւնը զօրացնելու նպատակը տեսաւ այդ ճակատներու միացումի որոշումին մէջ:
