Լիբանանի ներքին գործերու նախարարի պաշտօնակատար դատաւոր Պասսամ Մաուլաուի յայտարարեց, թէ քաղաքապետական ընտրութիւններու առաջին քայլը պիտի առնեն Լեռնալիբանանի մէջ ընտրութեան հսկող մարմինները աշխատանքի հրաւիրելով: Ըստ օրէնքի, քաղաքապետարաններու լիազօրութիւնը կ’աւարտի 31 Մայիսին: Ուրեմն, ընտրութիւնը պէտք է կատարուի այդ պայմանաժամէն առաջ: Լեռնալիբանանէն ետք ընտրութիւն տեղի պիտի ունենայ Հիւսիսային Լիբանանի, Պէյրութի եւ մնացեալ շրջաններուն մէջ:
Անդրադառնալով ապահովութեան, նախարարի պատօնակատարը հաստատեց, որ Էշրեֆիէի ոճրագործները 48 ժամուան ընթացքին ձերբակալուած են: Ան վստահեցուց, որ ապահովական մարմինները կ’աշխատին իրենց ամբողջ ներուժով:
Սուրիացի գաղթականներու հարցին մէջ, ան հաստատեց, որ սուրիացի գաղթականը պէտք է սկսի վերադառնալ իր երկիրը: Այս է բոլորին պահանջը, ըստ նախարարի պաշտօնակատարին:
