Կ’ԸՍԷ ՎԱՐՉԱՊԵՏ ՓԱՇԻՆԵԱՆ
«Պաշտպանութեան ոլորտին մէջ Հայաստանի համագործակցութիւնը իր գործընկերներուն հետ ուղղուած չէ որեւէ երկրի դէմ»։
Այս մասին յունական «Kathimerini» պարբերականին տուած հարցազրոյցին ըսած է ՀՀ վարչապետ Նիկոլ Փաշինեան:
«Անցեալ տարուայ Դեկտեմբերին (2023թ.) ստորագրուած է երկու կառավարութիւններուն միջեւ ռազմատեխնիկական համագործակցութեան համաձայնագիրը, որ կ’ենթադրէ փորձի, գիտելիքներու փոխանակում եւ համատեղ նախագիծերու մշակում։ Շատ հայ ուսանողներ հնարաւորութիւն ունին ուսանելու յունական ուսումնական հաստատութիւններու մէջ. ասոնք այս ոլորտին մէջ համագործակցութեան կէտերէն միայն քանի մը հատն են։
«Ներկայիս պարբերաբար զօրավարժութիւններ տեղի կ’ունենան։ Չնայած պաշտպանութեան ոլորտին մէջ գերազանց համագործակցութեան, կայ հետագայ զարգացման մեծ ներուժ։ Յառաջիկային յոյսով ենք, որ այս ուղղութեամբ համագործակցութիւնը կ’ընդլայնուի։
«Պէտք է նշեմ, որ պաշտպանութեան ոլորտին մէջ Հայաստանի համագործակցութիւնը իր գործընկերներուն հետ ուղղուած չէ որեւէ երկրի դէմ։ Հայաստանի պաշտպանունակութեան զարգացումը ուղղուած է Հայաստանի անկախութեան, ինքնիշխանութեան, տարածքային ամբողջականութեան պաշտպանութեան եւ սահմաններու պահպանման», ըսած է վարչապետը: