Միացեալ Նահանգներու Արտաքին գործերու նախարարութեան Միջին Արեւելքի հարցերու փոխնախարար Պարպարա Լիֆ յայտարարեց, թէ Լիբանան ականատես կը դառնայ մեծ ցնցումներու: Ըստ Լիֆի, Հըզպալլա վտանգեց Լիբանանը ու երկիրը տարաւ վտանգաւոր վայր մը: Ան աւելցուց, որ Ամոս Հոքշթայնի գրասենեակը ճիգ կը թափէ զինադադար հաստատելու հարաւային Լիբանանի սահմանին վրայ: Լիֆ հաստատեց, որ Կազայի մէջ հաստատուելիք զինադադարը իր դրական ազդեցութիւնը պիտի ունենայ հարաւային սահմանին վրայ, նոնիսկ այդ զինադադարը գործադրուելէ առաջ: Ըստ Լիֆի, Իսրայէլ պիտի չյարձակի Լիբանանի վրայ, որովհետեւ այդ քայլը կրնայ ունենալ ժխտական հետեւանքներ:
