Ռուսաստանի Դաշնութեան արտաքին գործերու փոխնախարար Միխայիլ Կալուզինը Անգարայի մէջ թուրք գործընկերոջ՝ Պուրաք Աքչափարի հետ ունեցած խորհրդակցութիւններու ընթացքին քննարկած է նաեւ Անդրկովկասի մէջ տիրող իրավիճակը՝ մասնաւորապէս հայ-ատրպէյճանական յարաբերութիւններու կարգաւորման գործընթացը։
Կողմերը ներկայացուցած են Հարաւային Կովկասի մէջ իրադրութեան վերաբերեալ իրենց տեսակէտերը։
«Ընդգծուած է հայ-ատրպէյճանական յարաբերութիւններու կարգաւորման գործընթացին կարեւորութիւնը՝ նպաստելով անոր առաջին հերթին տարածաշրջանային ձեւաչափերու շրջանակներուն մէջ», կը նշուի հրապարակման մէջ։
Անդրկովկասեան թեմայէն բացի, քննարկուած է նաեւ ուքրանական ճգնաժամի թեման՝ ներառեալ անոր քաղաքական եւ դիւանագիտական կարգաւորման հեռանկարները։
Գնահատականներ տրուած են Կեդրոնական Ասիոյ երկիրներուն հետ փոխգործակցութեան վերաբերեալ, ինչպէս նաեւ՝ քննարկուած են ռուս-թրքական օրակարգի արդիական թեմաները։
