Պաղեստինեան «Ժիհատ Իսլամի» կազմակերպութեան մարտական թեւ «Սարայա Ալ Քուտս» յայտարարեց, թէ Քարարա շրջանին մէջ պայթեցուց ականուած բնակարան մը, ուր մուտք գործած էին եօթը իսրայէլացի զինուորներ: Կան սպաննուածներ ու վիրաւորներ այդ ուժերու շարքերուն մէջ: Նաեւ անոնք պայթեցուցին փապուղի մը Քարարայի հիւսիսարեւելեան կողմը: Իսկ Խան Եունէս քաղաքի հիւսիսարեւմտեան կողմը իսրայէլեան վեց հոգինոց ջոկատ մը ինկած է ծուղակի մէջ, երբ իր գտնուած բնակարանը նախապէս ականուած էր ու պայթումի ենթարկուեցաւ:
