Երէկ անախորժ դէպք մը պատահեցաւ Պէյրութի դատարանի շէնքին առջեւ, երբ ցուցարարներ բողոքի ցոյց կը կատարէին պաշտպանելու համար 17 Հոկտեմբեր 2019-ի դէպքերու ընթացքին ճառ խօսած փաստաբանները, որոնք կարծիք յայտնած էին դատական իշխանութեան դէմ: Դատական իշխանութիւնը իրաւասութիւն ստացած էր Փաստաբաններու սենտիքայէն՝ դատի քաշելու համար երեք փաստաբաններ, որոնք կ’ամբաստանուին դատական իշխանութիւնները անուանարկելու մէջ: Քաշքշուքի ընթացքին վիրաւորուեցաւ երեսփոխան Մըլհիմ Խալաֆը: Նաեւ վիրաւորուեցան այլ փաստաբաններ, որոնք կը պաշպանէին իրենց գործակիցները: Այս դէպքը դատապարտուեցաւ կարգ մը երեսփոխաններու կողմէ, որոնք ապահովական ուժերու ընթացքը անընդունելի որակեցին խորհրդարանի անդամ երեսփոխաններու դէմ: