Շիի համայնքի Ժաաֆարի միւֆթի շէյխ Ահմատ Քապալան յայտարարեց, թէ երկիրը կ’անցնի դժուար փուլէ մը: Ըստ միւֆթիին, ԱՄՆ կը վարէ շրջանը իր մականին տակ պահելու պատերազմ մը ամէն գինով, նոյնիսկ եթէ պիտի ըլլայ այդ ուղղակի բախումով, ինչպէս որ տեղի կ’ունենայ Եմէնի մէջ: Տեղի ունեցածը գերիշխանութեան իրաւունքի պայքար է: Լիբանան կը գտնուի այդ պայքարին կեդրոնը եւ չի կրնար չէզոք մնալ, որովհետեւ կրնայ դառնալ զոհ ինչպէս որ պատահեցաւ 1982 թուականին:
Անդրադառնալով ներքին հարցերուն, ան կառավարութեան կոչ ուղղեց ժողովուրդին բեռը թեթեւցնելու ընկերային ծրագրեր գործադրելով: Անդրադառնալով սուրիացի գաղթականներու ներկայութեան, ան այդ վիճակը կոչեց խլրդային: Սուրիացի գաղթականները պահելով Լիբանանի մէջ, Եւրոպան կը վարէ Լիբանանի վնասող քաղաքականութիւն: Ըստ միւֆթիին, ԱՄՆ կը վարէ տնտեսական պաշարումի քաղաքականութիւն Լիբանանի դէմ:
