Հայաստանի վարչապետ Նիկոլ Փաշինեանի՝ Եգիպտոսի Արաբական Հանրապետութիւն պաշտօնական այցին ընթացքին, Նոր վարչական քաղաքին մէջ կայացած է վարչապետ Փաշինեանի հանդիպումը Եգիպտոսի վարչապետ Մուսթաֆա Մատպուլիի հետ:
Մուսթաֆա Մատպուլին ողջունած է վարչապետին այցը նոր կառուցուող վարչական քաղաք եւ ընդգծած է Հայաստան-Եգիպտոս բազմոլորտ համագործակցութեան կարեւորությունը:
Մուսթաֆա Մատպուլին նշած է ՀՀ վարչապետին արդիւնաւէտ հանդիպումները երկրի նախագահին, գործարար շրջանակներու ներկայացուցիչներուն հետ` տնտեսական կապերու ամրապնդման ու յառաջմղման նպատակով: Միաժամանակ, ան շնորհակալութիւն յայտնած է Հայաստանի կառավարութեան` Եգիպտոս-ԵԱՏՄ համագործակցութեան զարգացման նպաստելու գործին մէջ:
Նիկոլ Փաշինեան շնորհակալութիւն յայտնած է ջերմ հիւրընկալությեան համար եւ յաւելած, որ Եգիպտոսի նախագահին հետ ունեցած են արդիւնաւէտ քննարկումներ:
ՀՀ վարչապետը յոյս յայտնած է, որ իր պաշտօնական այցի արդիւնքներով երկկողմ գերազանց քաղաքական յարաբերութիւններուն զուգահեռ պիտի խորանայ նաեւ տնտեսական փոխգործակցութիւնը: Այս առումով, վարչապետը կարեւորած է նաեւ գործարարներուն հետ ունեցած հանդիպումը:
Միաժամանակ, ընդգծուած է յառաջիկային Հայաստան-Եգիպտոս միջկառավարական համագործակցութեան յանձնաժողովի նիստին ու անոր զուգահեռ գործարար համաժողովին կայացումը, որուն ընթացքում պիտի ներկայացուին նաեւ ներդրումային տարբեր առաջարկութիւններ: Նիկոլ Փաշինեան կարեւորած է նաեւ Եգիպտոսի աջակցութիւնը լոկիսթիք հարցերու մէջ` Հայաստանէն Կազա մարդասիրական օգնութիւն ուղարկելու հարցով:
Հանդիպման ընթացքին զրուցակիցները քննարկած են առեւտրաշրջանառութեան ընդլայնման, ներդրումային ծրագրերու իրականացման հնարաւորութիւններուն վերաբերող հարցեր:
Միտքեր փոխանակուած են նաեւ Եգիպտոսի նոր վարչական քաղաքի, ինչպէս նաեւ Հայաստանի մէջ Ակադեմական քաղաքի շինարարական գործընթացին վերաբերեալ:
Պայմանաւորուածութիւն ձեռք բերուած է Հայաստան-Եգիպտոս միջկառավարական յանձնաժողովի նիստ եւ գործարար համաժողովը կայացնել յառաջիկայ ամիսներու ընթացքին:
