Քաղաքական վերլուծողներ յայտարարեցին, թէ ամերիկացի պատուիրակ Ամոս Հոքշթայն շատ լաւ գիտէ, թէ հարաւային Լիբանանի ճակատը պիտի չհանդարտի մինչեւ որ Կազայի պատերազմը դադրի: Ան Լիբանան եկած է Կազայի մէջ զինադադար յայտարարելու յաջորդ օրուան հող պատրաստելու համար: ԱՄՆ Լիբանանի հետ կ’օգտագործէ սպառնալիքի եւ պատերազմը չընդլայնելու երկսայրի քայլերը: Մէկ կողմէն կը սպառնայ, թէ Իսրայէլ պիտի մտնէ Լիբանան, միւս կողմէ կը յայտարարէ, թէ ինք դէմ է ճակատներու ընդարձակումին: Ըստ նոյն աղբիւրին, Հոքշթայն խորհրդարանի նախագահ Նեպիհ Պըրրիին յանձնած է առաջարկի փաթեթ մը, որ իր կարգին յանձնէ Հըզպալլային:
