Սուրիական իշխանութիւնները լիբանանեան կառավարութեան ներկայացուցին իրենց բողոքը՝ երկու երկիրներու արեւելեան սահմանին վրայ հաստատուած՝ Միացեալ Թագաւորութեան կողմէ նուիրուած սահմանապահ աշտարակներու գոյութեան համար: Անոնք ցարդ չէին բողոքած, նկատի առնելով որ այդ աշտարակները կ’օգտագործուին սահմանէն ապօրինի թափանցումներու դէմ դնելու համար: Սակայն, ըստ իրենց, վերջին շրջանին այդ աշտարակները կ’օգտագործուին լրտեսելու համար սուրիացի եւ ռուս սպաներու շարժումները: Անոնք նոյնիսկ կ’ամբաստանեն լիբանանեան բանակը լրտեսելու գործը կատարելու մէջ: Լիբանանեան քաղաքական շրջանակներ զարմանք յայտնեցին այս բողոքին համար, որովհետեւ Բրիտանիա եթէ պիտի լրտեսէ, շատ աւելի արդիւնաւէտ միջոցներ ունի այդ գործը կատարելու:
