Ռուսական Դաշնութեան արտաքին գործերու նախարար Սերկէյ Լաւրով յայտարարեց, թէ Կազայի հատուածը կը խեղդուի որդեգրուած վայրագ քաղաքականութեան պատճառով: Ան աւելցուց, որ խմբային պատիժը միջոց չէ հակադարձելու համար պաղեստինեան կազմակերպութիւններու կողմէ գործադրուած 7 Հոկտեմբեր 2023-ի յարձակումին: Լաւրով շեշտեց, որ միայն պաղեստինեան պետութեան մը հիմնումը, արեւելեան Երուսաղէմ մայրաքաղաքով, լուծում պիտի բերէ այս տագնապին:
