Վարչապետի պաշտօնակատար Նեժիպ Միքաթի յայտարարեց, թէ կառավարութեան երէկուան ժողովը յետաձգուած է: Ժողովը պիտի քննարկէր դրամատուներու եւ անոնց բարեկարգումի հարցը: Միքաթի աւելցուց, որ կարգ մը նախարարներ այլ կարծիք ունէին այս հարցին շուրջ: Ժողովը պիտի քննարկէ այն ձեւը, որուն օգտագործումով այս հարցը պիտի քննարկուի կառավարութեան ընդհանուր ժողովին:
Վարչապետի պաշտօնակատարը հաստատեց, որ համաձայնութեան հասած էին պետական պաշտօնեաներուն, ապահովական մարմիններուն եւ թոշակառուներու մեծ մասին հետ, սակայն անակնկալի եկաւ այն ցոյցերէն, որոնք տեղի ունեցան կառավարութեան դէմ:
